Musik Panting Ditengah Masyarakat Modern

Musik Panting nang merupakan musik tradisional urang Banjar matan Tapin Kalimantan Selatan ini bahari dimainakan saikung urang haja. Namun marga magin majunya perkembangan zaman, musik Panting barami amun dimainakan wan alat musik nang lainnya nangkaya babun, gong, biola wan suling nang dimainkan banyak urang. Pemain musik panting biasanya memakai pakaian adat Banjar, nang lakian duduk basila wan binian duduk batalimpuh. Musik panting disambat jua japin amun dimainakan baimbai wan tarian sebagai kesenian tradisional. Musik panting biasa ditampilakan wayah pengantenan atau pertujukan seni dengan syair-syair nang macam-macam isinya, baik nang berupa nasehat hingga pantun jenaka. A. Sarbaini merupakan urang nang pertama kali mengarani Musik Panting lantaran alat musiknya bangaran Panting. Kada hanya sebagai hiburan dengan syairnya nang jenaka wan gasan acara perkawinan, musik panting jua kawa sebagai sarana pendidikan dengan syairnya nang berisi nasehat. Meski keberadaannya nang mulai berkurang ditengah hiburan masyarakat modern, musik panting wayahini masih ada di beberapa pertunjukkan kesenian daerah sebagai upaya mempertahankan kebudayaan banua.

Share this

Related Posts

Previous
Next Post »