Dibalik Kuda Gepang yang Diapit


Masyarakat Banjar seolah kada kekurangan kebudayaan tradisional nang terus diupayakan kelestariannya sebagai aset berharga nang kawa diturunkan gasan generasi berikutnya. Salah satunya seni pertunjukkan tari tradisional matan Kecamatan Padang Batung, Kabupaten Hulu Sungai Selatan, Kalimantan Selatan bangaran tari kuda gepang. Tarian nang dilakukan dengan mengapit kuda di ketiak ini memiliki sejarah tersendiri nang dahulu kisahnya, Lambung Mangkurat berlayar ke Jawa dengan Kapal Prabayaksa gasan menemui Raja Majapahit nang kemudian disambut oleh Gajah Mada wan diantar menemui Raja Majapahit. Setelah seminggu di istana Lambung Mangkurat pun berniat bulik ke Negara Dipa, wayah perpisahan Raja Majapahit membari saikung kuda putih nang ganal lagi gagah wan nang paling harat di kerajaan Majapahit. Tumenggung Tatah Jiwa nang menjadi pengiring Lambung Mangkurat pun menyarankan agar sebelum di masukkan ke kapal Prabayaksa, kuda nangitu dicoba dulu ditunggang gasan mengetahui kehebatannya. Saban Lambung Mangkurat mencoba menunggang kuda itu hingga tiga kali kuda itu selalu lumpuh. Akhirnya Lambung Mangkurat pun mengeluarkan kesaktiannya dengan memejamkan mata wan memeluk tubuh kuda tersebut kemudian badan Lambung Mangkurat bertambah besar sementara tubuh kuda tampak mengecil. Kuda itu pun dikacak Lambung Mangkurat dikapit di katiak lalu dibawa masuk ke kapal Prabayaksa. Cerita ini lah nang mendasari tarian kuda gepang ini jadi mengapit kuda di katiak.
Tari Kuda Gepang awalnya berkembang di daerah Banjar Hulu wan merambah hingga daerah Banjar Kuala. Penari Kuda Gepang selalu berpasang-pasangan wan biasanya ditampilkan dalam rangkaian acara Bausung Panganten.

Share this

Related Posts

Previous
Next Post »